Тасбеҳ намозини қачон ўқиган маъқул? 15.03.2017
Савол:Ассалому алайкум, Домла. Саволим бор эди. Бир жойда тасбеҳ намози ҳақида ўқиб қолдим. Жума куни завол пайти ўқиш мустаҳабдир, дейилган экан. Бу қайси пайт? Илтимос, шу ҳақида батафсил маълумот берсангиз. Жавоб учун раҳмат. Умрингиз зиёда бўлсин!
Булим Ибодат масалалари30659
Ва алайкум ассалом. Тасбеҳ намози нафл саналади. Уни (қайтарилган вақтлардан ташқари) исталган пайтда ўқиса бўлади. Кундузими, кечасими, фарқи йўқ.
Ўқиш тартиби қуйидагича: Ният қилиниб, қулоқ қоқилганидан сўнг сано ўқилади. Сўнг “Субҳааналлоҳ, валҳамдулиллааҳ, ва лаа илааҳа иллаллоҳу валлоҳу акбар”, деб 15 мартта айтилади. Сўнг “Аузу биллааҳи минаш-шайтонир рожийм, бисмиллааҳир роҳмаанир роҳийм”, деб Фотиҳа билан зам сураси ўқилади”. Руку, қиём ва саждада 10 мартадан “Субҳааналлоҳ, валҳамдулиллааҳ, ва лаа илааҳа иллаллоҳу валлоҳу акбар”, дейилади. Шундай шаклда 4 ракат ўқилади.
Ибн Абу Сайф Яманий “Ал-ламаъ” китобида келтиришича, Термизий шундай деган: “Тасбеҳ намозини жума куни завол пайтида ўқиш мустаҳабдир. Биринчи ракатда Фотиҳадан кейин Такосур сурасини ўқийди. Иккинчисида Асрни, учинчисида Кофирунда, тўртинчи ракатда Ихлосни ўқийди”.
Тасбеҳ намозини асосан кечаси ўқиган афзал.