БМТ: 2017 йилда сурияликларга $3,4 млрд ёрдам ажратилади
БМТ сурияга ажратиладиган маблағ миқдорини эълон қилди. 2017 йилда уруш бўлишига қарамай, мамлакатни тарк этмаган Сурия фуқароларининг нормал ҳаётини йўлга қўйиш учун 3,4 миллиард доллар керак бўлади. Бу ҳақида БМТнинг Сурияга гуманитар ёрдам дастури координатори Али аз-Заатарий маълум қилди.
"Умид қиламизки, донор давлатлар Суриядаги фуқароларга керакли миқдордаги маблағни ажратишади. Бунда мамлакатдан ташқарида юрган 4 миллион одам ҳисобга олинмаган", - деди у. Аз-Заатарий ўтган йилда урушдан жабр чеккан сурияликларга 1,5 млрд долларлик ёрдам кўрсатилганини ҳам таъкидлади. Бу маблағлар озиқ-овқат, тоза ичимли суви ҳамда тиббий ёрдам учун сарфланган.
Islam-today