Yosinda
1933 yilda kvant mexanikasining asoschisi, angliyalik fizik olim Pol Dirak noyob kashfiyoti uchun Nobel mukofotiga sazovor bo‘ldi. U barcha moddalarning juft holda vujudga kelishini isbotlab berdi.
"Annigilyatsiya va juftlarning tug‘ilishi" deb atalgan bu kashfiyot har qanday modda antimoddaning jufti ekanligini asoslab berdi. Antimodda shu moddaning xossalariga qarama-qarshi xossalarga ega bo‘ladi. Masalan, moddaning antimoddasiga elektronlarning musbat zaryadga, protonlarning esa manfiy zaryadga ega bo‘lishi misol bo‘la oladi.
Ushbu kashfiyot fanga faqat o‘ta murakkab va nozik asbob-uskunalar, zamonaviy ilmiy nazariyalar va uzoq vaqt talab qilgan tajribalar natijasidagina ma’lum bo‘ldi. Ammo asri saodatda nozil bo‘lgan Qur’oni karimda mana bunday oyatlar bor:
"Yer undirib-o‘stiradigan narsalardan, (odamlarning) o‘zlaridan va yana ular bilmaydigan narsalardan iborat barcha juftlarni yaratgan (Alloh har qanday aybu nuqsondan) Pok Zotdir". (Yosin, 36).