Va alaykum assalom.

1. Ibodatga bandalarning ehtiyoji bor. Inson badan va ruhdan iborat. Badan tuproqdan bo‘lib, uning ozuqasi ham tuproqdandir. Ruh esa Allohdan, ozuqasi ham Allohdandir. Tanaga ozuqa berilmasa, zaiflashib kasal bo‘ladi. Ruhga ham ozuqa berilmasa, xasta bo‘lib qoladi. Uning ozuqasi ibodatdir.

2. Bu dunyo – imtihon, Alloh bandalarni ibodat bilan sinaydi. Undan o‘tish uchun Allohga bandalik qilish kerak. Butun dunyodagi insonlarning hammasi solih bo‘lib qolsa ham, yo hammasi kofir bo‘lib ketsa ham, Alloh uchun biron foyda yoki zarari yo‘q.

3. Ibodatga buyurish bilan Allohning Parvardigor va qodir Zotligi zohir bo‘ladi (Manba: “Aqidaviy ahkomlar”).