Bismillahir rohmanir rohiym! Savdo molini sotib olsa, narxiga qo‘shish, sotib olmasa, sotuvchiga qolib ketish sharti bilan xaridorning sotuvchiga oldindan pul berishi arab tilida “urbon” (urbun) (bizda “ba’yboshi”, ruslarda “zaklad”) deyiladi. Ko‘pchilik (jumladan, hanafiy mazhabi) ulamolariga ko‘ra, bunday qilish joiz emas. Chunki unda odamlar molini botil yo‘l bilan yeyish, yana noaniqlik bor.
   Zaklad berish o‘rniga yozma yoki og‘zaki shartnoma tuzgan ma’qul. Agar biron kishi bilmay kimgadir ba’yboshi berib qo‘ygan bo‘lsa, noto‘g‘ri yo‘l tutilgan bo‘lsa ham savdo bo‘laveradi. Faqat xaridor aynib qolgan taqdirda sotuvchi berilgan zakalatni xaridorga qaytarib beradi. Vallohu a’lam!