Ezgu amallar bardavom

Tinchlik — Yaratgan tomonidan insonga ato etilgan eng buyuk ne’mat. Uning zamirida ko‘ngil xotirjamligi, to‘rt ko‘z tugalligi, ozod va obod hayot mujassam. Musaffo osmon, farzand kulgusi, eng oliy, eng ezgu orzu - niyatlar ro‘yobi ana shu buyuk ne’mat tufaylidir.  Inson qadr - qimmati ulug‘langan yurtda, mamlakat obod, el turmushi farovon bo‘ladi.

Ana shu maqsadda 10 iyun kuni Toshkent shahar Ayollar markazida “Shayx Zayniddin” jome masjidi bilan hamkorlikda tadbir o‘tkazildi.

Unda “Shayx Zayniddin” jome masjidi imom noibi Qosimxon Boyxonov, Shayxontohur tumani bosh otinoyisi Feruza Sulaymonova hamda "Ayollar maslahat markazi" Toshkent shahar Shayhontoxur tumani bo‘limi rahbari Axmedova Dilbarxonlar yurtimizda davlatimiz tomonidan ijtimoiy muhofazaga qaratilayotgan e’tibor, mamlakatimizda hukm surayotgan tinchlik ne’mati, bugungi kun shukronasi borasida so‘z yuritdilar.

Tadbir so‘nggida ijtimoiy himoyaga muhtoj kimsalarga xayriya ehsonlari tarqatildi va ushbu Xayrli ishlarni tashkil etganlar xaqqiga duolar qilindi.

                                                      "Shayx Zayniddin" jome masjidi matbuot xizmati