“Yurtimiz tinch, osmonimiz musaffo bo‘lsin!”

      “Yurtimiz tinch, osmonimiz musaffo bo‘sin!” Bugun bu niyat duoga qo‘lini ochgan har bir yurtdoshimizning dilidan o‘tishi tabiiy. Tinchlik ne’mati tufayli har birimiz oilamiz bag‘rida baxtiyormiz, kasbimizda faolmiz. E’tiqodimizda sobit bo‘lib, ibodatda qoimmiz.
      Ramazon oyi munosabati bilan ayni kunda mamlakatimizdagi ko‘plab masjidlarda xatmi Qur’on o‘qilmoqda. Taroveh namozlari ado etilmoqda. Ularda mingga yaqin qorilar namozxonlarga xizmat qilmoqda. Qolaversa, O‘zbekiston musulmonlari idorasi tomonidan diniy ulamolarimiz va ustozlarimizni yurtimiz masjidlarida bo‘lib, mazmunli suhbatlar uyushtirilishi tashkil etilmoqda.
Xususan, 25 iyun kuni O‘zbekiston musulmonlari idorasi raisi, muftiy Usmonxon Alimov poytaxtimizdagi “Shayx Zayniddin” jome masjidida bo‘ldilar.Jamoat bilan peshin namozi ado etilgach, namozxonlar bilan suhbat bo‘lib o‘tdi. Suhbatda Usmonxon Alimov hazratlari yurtdoshlarimizni Ramazon oyi bilan yana bir bor tabriklab, ushbu oyning fazilati haqida ma’veza qildilar. Ma’veza so‘nggida jahon maydonidagi terrorizm balosi, mamlakatimizdagi tinchlik va uning shukronasi xaqida ham to‘htalib o‘tdilar hamda namozxonlar va yurtimizdagi tinchlik yo‘lida xizmat qilayotganlar haqqiga duo qildilar.
     Shundan so‘ng, muftiy hazratlari “Shayx Zayniddin” qabristonida bo‘lib, Shayx Zayniddin buva qolaversa, qabristonga daftn etilgan mo‘min musulmonlar xaqlariga duoi fotiha qildilar. Qabriston ziyoratidan so‘ng O‘zbekiston musulmonlari idorasi raisi, muftiy Usmonxon Alimov masjidda namozxonlarga yaratilgan shart - sharoit bilan tanishib, kerakli tavsiyalarni izhor etdilar.


“Shayx Zayniddin” jome masjidi matbuot xizmati