Ассалому алейкум
Мавзу:

Аллоҳнинг макрини қандай тушуниш керак? 30.12.2017

Савол:

Сизларга яна бир саволим бор эди: Аллоҳ ҳам макр қиладими? Қандай бандаларини макр қилади. Жавоб учун олдиндан раҳмат!

Булим Бошқа мавзулар
2159
Жавоб:

Ва алайкум ассалом. Аллоҳ таоло шундай деган: (Яҳудийлар) макр қилдилар. Аллоҳ ҳам “макр” қилди. Аллоҳ “Маккорроқ”дир” (Оли Имрон сураси, 54-оят).

“Макр” сўзи тадбир қилиш ё ҳийла билан бошқа тарафга буриб юбориш каби маъноларни ифодалайди. Макрга икки хил қаралади: агар макр қилишдан мақсад ёмонлик, қабиҳлик бўлса, у қораланади. Яҳудийлар Исо алайҳиссаломга қилган макри бунга мисолдир. Агар макр қилишдан мақсад яхшилик бўлса, у ҳолда бундай макр мақталади.

Исо алайҳиссалом даъватини ёлғонга чиқарган яҳудийлар унга хиёнат қилдилар, уни ўлдирмоқчи бўлдилар. Қабиҳ ниятларини амалга ошириш учун не-не воситаларни ишга солмадилар. Бироқ ҳикматли, қодир Зот Аллоҳ таоло уларнинг макрларини бекор қилди, шунча чора-тадбирлари бесамар кетди. Аллоҳ пайғамбари Исо алайҳиссаломга уларнинг ёмонликларидан нажот берди. Аллоҳ “макр” жиҳатидан яҳудийлардан кучлироқ. У Зотнинг тадбири амалга ошувчидир. Аллоҳ жиноятчи кимсаларни кутмаган томонларидан жазолаб қўяди (Манба: Муҳаммад Саййид Тантовий, “Пайғамбарлар тарихи”).

Демак, Аллоҳнинг макри деганда тадбири, душманлар ҳийласини йўққа чиқариши, ҳаракатларини зое кетказиши тушунилади. Валлоҳу аълам!

Кун ҳикмати

Келинига зулм қилаётган қайноналар "Ҳаргиз Аллоҳ золимлар қилаётган амаллардан ғофил, деб ҳисоблама!" (Иброҳим сураси: 42) оятини ёдига келтирсин ва …

Китоблар
Энг кўп ўқилган мақолалар
Истихора дуоси

Истихора сўзи луғатда яхшилик сўраш маъносини билдиради. Шаръий истилоҳда, банданинг намоз ўқиш ёки дуо қилиш билан Ал…

8.112015 66658
Энг кўп ўқилган савол-жавоблар
Аллоҳнинг макрини қандай тушуниш керак? 30.12.2017

Сизларга яна бир саволим бор эди: Аллоҳ ҳам макр қиладими? Қандай бандаларини макр қилади. Жавоб учун олдиндан раҳмат!

2159