Ва алайкумус салом. Йўқ, бундай ҳолатда талоқ тушмайди. Эр: “Талоқ қилдим”, деб ўтган замонда айтса, талоқ тушади. Никоҳда “Қабул қиламан”, эмас, “Қабул қилдим” деса, никоҳ дуруст бўлади. Талоқда ҳам ҳозирги-келаси замонда эмас, ўтган замонда ифодаланади. Чунки ўтган замон ишнинг аниқ бўлганини ифодалайди. Масалан, “Сени талоқ қилдим” деса, талоқ тушади. “Талоқ қиламан”, “Талоқ қилмоқчиман” ёки “Сен билан ажрашаман” бирикмалари аниқ бир замонни, айтилган иш содир бўлганини эмас, балки келажакда юз бериши эҳтимоли борлигини англатади. Бирон иш ҳақиқатан юз бермагунича унинг содир бўлгани тасдиқланмайди, “Фалон иш бўлди”, деб айтилмайди. Валлоҳу аълам!