Бева аёл билан гаплашиб юрса бўладими?
Савол:Ассалому алайкум. Теварак-атрофда кўп бева аёллар бор. Одамлар улар ҳақида турли гапларни гапиради. Уларда ҳам нафс бор, дейишади. Бева аёлларни ёмон йўлдан қайтариш учун ҳимоячи сифатида гаплашиб юрса бўладими?
Булим Одоб-ахлоқ30459
Ва алайкум ассалом. Хоҳ эри бўлсин, хоҳ эридан ажрашган бўлсин, бегона аёллар билан худди маҳрамлардек алоқа қилиш жоиз эмас. Бева хотинлар нафси бирон нарсани хоҳлаши, бу – улар билан бемалол гаплашса бўлади, деб билиш нотўғри.
Бир сўз билан айтганда, бева аёлга уйланиш мумкин. Фақатгина аёлнинг иддаси чиққанидан сўнг. Орада шаръий никоҳ бўлмай туриб икки номаҳрамнинг бир-бири билан муомала қилишига ҳеч қандай йўл йўқ. Кимда-ким бева, ёки ҳимоячиси йўқ аёлларнинг бошини айлантириб, нафсини қондириб юрган бўлса, у гуноҳга ишга қўл урган бўлади.