Эркак кўнгил қўйган аёли билан жаннатда бирга бўладими? 22.09.2016

Ассалому алайкум, устоз. Мен юрагимдаги бир саволга ҳеч қаердан тўлиқ жавоб ололмаяпман. Саволим шундай: мен бир қизни яхши кўраман, лекин у бошқаси билан турмуш қуриб кетган. У ҳам мени яхши кўради. Аммо ҳозир орамизда ҳеч қандай муносабат йўқ. Мен уни ҳақиқатдан қаттиқ яхши кўраман. Китобларда келадики, жаннатда ҳар бир инсон ҳаётлик даврида яшаган инсонлари билан яшайди (ҳурлардан ташқари демоқчиман). Агар у аёл бўлса, бир нафар эркак билан ёки икки эркак билан турмуш қурган бўлса, улардан энг солиҳини танлайди, дейилган. Демак, мен яхши кўрган қизимдан абадиятга айрилдимми? Мен ҳаётлик давримда у билан никоҳ қурмаган бўлсам ҳам уни жаннатда никоҳимга ололаманми? Илтимос, шу саволга аниқроқ жавоб беринг!

Янги иш бошлашдан олдин қон чиқариб юбориш керакми? 04.09.2016

Ассалому алайкум, қори ака. Сизга бир саволим бор эди: ҳалқимизда бир одам янги ишхона очса ёки янги иш бошласа, Қон чиқазиб юбориш керак, деб хўроз ё қўчқор сўйиш одати мавжуд. Агар шу ишни қилмаса ва ўша корхонада бирон кулфат бўлиб қолса, Қон чиқариш керак, дегандим-ку қабилидаги гапларни эшитамиз. Шу гап тўғрими? Қон чиқазиб юбориш кулфатлар олдини оладими? Бу ширкка олиб бормайдими?

Жин кимларнинг кўзига кўринади? 22.08.2016

Ассалому алайкум ва раҳматуллоҳи ва баракотуҳ. Ҳурматли мухлис.уз сайти раҳбарияти. Сизга бир савол юзасидан мурожаат қилмоқдаман. Бир ҳамкасбим илтимосига биноан савол бермоқдаман. Ҳамкасбим кўзига ҳар хил кўринишдаги жин-у ажинлар кўринар, овозлари эшитилар ва баъзан чақирар ҳам экан Ўзи айтиши бўйича - бормаган танишлари қолмабди. Муллаларга ҳам бориб кўрган. Оллоҳга минг шукрлар бўлсинким Менда бундай ҳолатлар бўлмайди. Шунга у нима қилиши керак ва қандай қилиб улардан халос бўлиши мумкин? Мен у ҳамкасбимга Қуръони Каримдаги уч сўнгги сўрани ўқиб юришни маслаҳат бердим. Лекин, ҳамкасбим - уларни кўрган пайтида ҳатто тили айланмай қолишини айтди. Нима маслаҳат берасиз? Нима қилиш даркор?Илтимос,бор билимингизни аямайсиз деган умиддаман. Оллоҳ сиздан рози бўлсин. Жин-у ажиналар кимларнинг кўзига кўринади ва унинг сабаблари ҳақида айтсангиз. Ва уларни бошқа кўрмаслик чора-тадбирлари ҳақида айтсангиз. Фолбинларга ишонмайман. ирим -сиримларга ҳам. Ирим қилиб бирор нима тақиб юриш керакми? Менимча - бунда фақат ёлғиз Оллоҳ ёрдам беради деб биламан. Ёлғиз Оллоҳгагина ишонаман ва сиздан фойдали жавоб беришингизни Оллоҳдан сўрайман. Шу ҳамкасбимга ёрдам бергим келди. Ёрдам берайлик агар иложи бўлса.

Шайтон жинлардан ҳисобланадими? 01.08.2016

Ассалому алайкум, ҳурматли Устоз Одилхон қори ака! Саволим шундан иборат: маълумки, шайтони лаин фаришталар сафида бўла туриб Аллоҳнинг амридан бўйин товлагани сабаб У Зотнинг даргоҳидан қувилган. Баъзи одамлар шайтон жинлар тоифасидан чиққан, дейишади. Айтишларича, у жинлар ичида ўта тақводори, зеҳни ўткири бўлгани боис Аллоҳ уни фаришта даражасига кўтарган экан. Шу хусусда батафсилроқ маълумот берсангиз. Жавобингиз учун олдиндан раҳмат!

Эркак жаннатда нечта хотини билан бирга бўлади? 30.07.2016

Ассалому алайкум Ҳазрат Одилхон қори! Аввалги берган саволимга тўлиқ жавоб олдим. Аллоҳ рози бўлсин, илмингизни бундан-да зиёда қилсин! Яна савол йўлламоқчи эдим: Интернет саҳифаларининг бирида жаннатда эркак киши ўткинчи дунёдаги икки нафар хотини билан бирга бўлади, дейилган. Шу ростми? Агар эркакнинг тўрт нафар хотини бўлса, қолганларининг ҳуқуқи бузилмайдими? Саволим нотўғри берилган бўлса, узр! Жавобингиз учун олдиндан раҳмат.