Erkak ko‘chaga yasanib chiqishi mumkinmi? 27.10.2017
Savol:Assalomu alaykum, Ustoz. Sizga savolim bor edi: erkaklar ko‘chaga yasanib chiqishi mumkinmi?
Bo`lim Ijtimoiy masalalar8961
Va alaykum assalom. Erkak kishi me’yorni bilgan holda chiroyli kiyimlarni kiyishi, umuman doim yuzdagi xoldek bo‘lib yurishi joiz, balki mustahabdir. Sababi dinimiz poklikka, go‘zallikka chaqiradi. Sahih hadislarning birida “Albatta Alloh go‘zaldir. Go‘zallikni yaxshi ko‘radi”, deyilgan. Ammo erkak kishi bunda, avvalo, muboh qilingan narsalardan foydalanishi, isrofdan tiyilishi, tillo va erkaklarga yot bo‘lgan yaltiroq va nozik liboslarni kiyishdan, kiygan kiyimi bilan kibr qilishdan saqlanishi kerak.
Keyin chiroyli libos kiyib, faqat zohirga e’tibor qaratish, qalb holatiga beparvo bo‘lish to‘g‘ri emas. Balki chiroyli libos kiyish bilan birga ruhiy-ma’naviy poklikka ham e’tibor qaratiladi.
Erkak chiroyli kiyim kiyganda nomahram ayollar e’tiborini tortishni maqsad qilmaydi. Aks holda gunohga botadi.
Demak, musulmon erkak shariat belgilab bergan chegaradan chiqmagan holda toza va chiroyli liboslarni kiyib yurishi, odamlarga ochiq chehra va xushmuomala bilan munosabatda bo‘lishi yaxshidir. Vallohu a’lam!