Musulmon futbolchi Misrdagi bolalalar shifoxonasiga yordam ko‘rsatdi

“Liverpul” futbol jamoasining futbolchisi Muhammad Salohning hayriya ishlarida faolligi ko‘pchilikka ma’lum. Shu kunlarda futbolchi Misrdagi bolalar onkologik kasalliklari shifoxonasiga 500 ming funt sterling miqdoridagi pulni, kasalxonaga zarur uskunalarni xarid qilish uchun o‘tkazgan.

Ushbu shifoxonada suyak iligi saratoni kasalligi bilan og‘rigan bolalar davolanadilar. Ushbu kasallikning davosi va unda qo‘llaniladigan dori – darmonlar juda qimmat turishi barchaga ma’lum. Sportchi ana shunday og‘ir kasallikdan aziyat chekayotgan bolajonlarga qo‘lidan kelganicha yordam berishga intilmoqda. Yaqindagina Muhammad Saloh aynan shu kasallikka chalingan Misrlik bolakayning suyak iligini ko‘chirish amaliyoti harajatlarini o‘z zimmasiga olishini ma’lum qilgan edi.

Bolakayning otasi Saloh telefon orqali bolakay bilan gaplashib uning sog‘ayishida yordam berishini ma’lum qilganida, o‘g‘li qanchalar baxtiyor bo‘lganini so‘zlab berdi. Otaning aytishicha “Muhammad Salohning so‘zlari bolaga umid bergan va bolaning sog‘ligida yaxshi tomonga o‘zgarishlar kuzatilmoqda”.