“Паризода” исмини қўйса бўладими? 22.09.2017

Ассалому алайкум. Мен шундай савол билан мурожаат қилмоқчи эдим. 1. Қизларга Паризода исмини қўйса бўладими? Динимиз нуқтаи назаридан бу жоизми? 2. Исломга эътиқод қилувчи мамлакатларда Пари ёки Парий қўшимчаси қўшиб ясалган исмлар мавжуд. Илтимос, шу масалага аниқлик киритсангиз. Бизнинг Исломий китобларда ёки Пайғамбаримиз саллаллоҳу алайҳи ва саллам ҳадисларида бу борада бирор сўз айтилганми? Сабаби, бизнинг кўпчилик юртдошларимиз бу атамани динимизда тилга олинган, дейишади. Айрим манбалар бу атамани зардўштийларга алоқадор, Марказий Осиёга Эрондан тарқалганлигини таъкидлаган.

Ҳақиқий дўстлик мезони нима? 19.09.2017

Ассалому алайкум! Қори ака, динимизда дўст деб кимларга айтилади? Эшитишимча, икки инсон бир-бири билан фақат Аллоҳ учун дўст бўлиши керак. Акс ҳолда бу одамлар қиёмат куни бир-бирларини маломат қилар эканлар. Шу тўғрими? Мен учун дўст бўлган инсоним фақат ўз оилам ва ака-укаларимми ёки бошқалар ҳам дўст ҳисобланадими? Чунки, мени масрур ва машаққатли кунларда ёнимда фақат улар бўлади. Дўст деб биладиган улфат-синфдошларимнинг кўпи бир қарашда чойхона ёки тўй-ҳашамларда бирга, лекин бошга оғирроқ иш тушса, ёнимизда фақат яқинларимиз оила аъзоларим бўлади... Мен ўз улфатларимдан узоқлашиб тўғри қиляпманми? Чунки ўша даврада қиладиган ишимиз фақат бирон тансиқ таом ейиш, орада қайсидир синфдошнинг ўтмишда қилган кулгили ишини эслаб мазаҳ қилиш, билиб-билмай яна кимнингдир ғийбатини қилиб вақт ўтказиш, холос. На мажлис ҳаққи ва на бир Қуръон тиловати бўлади. Фақат кулгу, қаҳқаҳа, ҳазил-мутойиба бўлади. У ёғи ўзингизга маълум... Мен уларнинг назарида худди одамови кишидекман. Лекин нима қилай, дўстликнинг мезони нима? Сиздан узр сўрайман, бир савол ортидан шунча гапларни ёзиб юбордим. Сўзларим худди иғводек бўлиб қолмадимикан, деган хаёлга ҳам бордим. Илтимос, шу саволимга жавоб берсангиз! Вақтингизни ажратганингиз учун раҳмат!

Аёллар фитнами? 16.09.2017

Ассалому алайкум. Мен яқинда бир китобда ҳадисда айтилишича, хотин фитнадир, деган жумлаларни ўқиб қолдим. Шунга аниқлик киритсангиз. Аёллар фитна дейилишининг сабаби нима?

Буржларга ишониш ҳукми қандай? 30.08.2017

Ассалому алайкум! Менинг бир танишим одамлар билан гаплашишдан олдин аввало уларнинг қайси бурж вакиллари эканига қарайди. Кўпгина сайтларда, газеталарда, китобларда буржлар ҳақида маълумот бериб борилади. Саволим шуки, буржлар хусусидаги маълумотларга қанчалик ишонса бўлади? Жавобингиз учун раҳмат.

“Муниса” исмини ўзгартириш керакми? 30.08.2017

Ассалому алайкум,қори ака! Менинг Муниса исмли қизалоғим бор. У туғма юрак пороги ва буйрак йўли касаллиги билан хасталанган.Юраги ва буйрагидаги касалликларини операция қилдириб дардан халос бўлди. Аммо учта операцияни ўтказган бола тез-тез шамоллайди, ҳолсизланади. Сўрамоқчи бўлганим: унинг исми нотўғри қўйилганми?Қайинотам:Масжиддаги фалон ноибдан дуо сўраганимда, исмини ўзгартиринг, деб айтди, дедилар.Умуман Муниса исми мунгли,ғамли маъносини билдирадими? Жавоб учун олдиндан катта раҳмат!