A’robiyning duosi
Bir a’robiy Habib sollallohu alayhi vasallamning qabrlari oldida to‘xtadi. Va ko‘zlarida yosh bilan duoga qo‘l ochdi:
“Yo Alloh! Bu (qabr sohibi) Habibing (sollallohu alayhi vasallam)dirlar, men qulingman, shayton dushmaningdir.
Agar meni mag‘firat qilsang, Habibing (sollallohu alayhi vasallam) hursand bo‘ladilar, quling yutuqqa erishadi, dushmaning mahzun bo‘ladi.
Agar meni mag‘firat qilmasang, Habibing (sollallohu alayhi vasallam) mahzun bo‘ladilar, quling halok bo‘ladi, dushmaning rozi bo‘ladi.
Sen Habibing (sollallohu alayhi vasallam)ni mahzun qilishdan, qulingni halok qilishdan, dushmaningni rozi qilishdan Oliy, Kariym Zotsan.
Yo Alloh! Agar arablar orasida sayyid, rahbar odam vafot etsa, ularning saxiylari o‘sha odamning qabri oldida o‘z qullarini ozod qilib yuborardilar. Bu (qabr sohibi) olamlar Sayyididirlar. Shunday ekan, u zot (sollallohu alayhi vasallam)ning qabrlari oldida meni do‘zaxdan ozod et!”
Nozimjon Hoshimjon tarjimasi
