Ҳанафий мазҳаб дохил жумҳур уламолар наздида намоз ўқиётган кишининг олдидан ўтадиган ҳеч қандай нарса унинг намозини бузмайди. Зеро, ҳадиси шарифда “намозни (намозхон олдидан ўтган) ҳеч нарса бузмайди”, дейилган (Имом Абу Довуд ривоят қилган). Аммо, барибир намозхон намоз ўқиётганда ўз олдига сутра (тўсиқ) қўйиб ўқиши афзалдир. Сутра намозхонга яқинроқ масофага қўйилиб, фикрини жамлашга ва намозда хушуъ қилишга ёрдам беради. Шунингдек, сутра ўзи билан намоз ўқувчи орасидан ўтаёган кишига маълум маънода огоҳлантирувчи вазифасини ўтайди. Бу нарса яъни намоз олдидан ўзига тўсиқ қўйиш мазҳабимизда мустаҳаб амаллардан саналади. Валлоҳу аълам!