Никоҳ кечаси куёвнинг «йўли»ни боғлаб қўйиш сеҳрнинг бир туридир. Сеҳр эса ҳаромдир. У билан шуғулланиш мумкин эмас. Қуръон ва ҳадисда бу ишдан қайтарилган. Сеҳргарнинг жазоси ўлимдир. Аммо сеҳрланган, афсун билан «боғлаб» қўйилган кишиларни қайтариқ қилишга шариатимиз ижозат берган. Қатода (розияллоҳу анҳу) Саид ибн Мусаййабдан ривоят қиладилар: «Расулуллоҳ (соллаллоҳу алайҳи ва саллам) дарддан халос бўлишга нафи тегадиган амалларни сира ҳам ман қилмаганлар». Албатта, бунда Қуръоний дуоларни ўқиб дам солиш каби шаръий амаллар кўзда тутилган.
