“Домла”га бориш гуноҳми? 15.09.2015
Савол:Ассалому алайкум. Узр, яна бир саволим бор эди: одам жиддий касал бўлса, домлага борса, у киши Қуръон оятларидан ўқиса, кейин ҳалиги одам билсалар. У фолбинликка кирадими? Домлага бориш гуноҳми?
4883
Ва алайкум ассалом. Киши Қуръонни бехато қироат қилолса, ўзига-ўзи дам солади. Агар бунинг уддасидан чиқолмаса, илмли ва тақволи бирон кишига дам солдирса бўлади. Сиз домла, деганда фолбинни назарда тутмаяпсизми? Домла бошқа, фолбин бошқа. Буларнинг фарқига бориш керак. Домла деганда, одатда, масжид имоми назарда тутилади.
Коҳин, арроф, фолбинлар ҳузурига бориш у ёқда турсин, ҳатто яқинига ҳам йўламаслик керак. Сиз уларнинг Қуръон ўқишига алданиб қолманг! Домламан, деб ғайб нарсалар ҳақида хабар берса, гапига ишонманг! Сабаби ғайбни фақат Аллоҳ билади.