644 нафар хорижлик Исломни қабул қилди
Саудия Арабистони пойтахтидаги масжидлардан бирида 644 нафар хорижлик муқаддас Рамазон ойида ислом динини қабул қилиб, Аллоҳнинг Ягона эканига шоҳидлик келтирган.
“Меҳмонлар Рамазон ойида биздаги бирдамлик, саҳоват, биродарлик ва кундалик ифторлик чоғидаги ўзаро оқибатимизни ўз кўзлари билан кўришди”, –дейди Ислом даъвати маркази раҳбари шайх Нух ал-Қурайн “Arab News”га берган интервьюсида.
“Ўткинчи ва умуман нотаниш одамлар бирлашиб, ифторлик қилиш оддий ҳол. Биз ҳатто мутлақо ғайридинларни ҳам ифторликка таклиф этамиз. Бир неча меҳмонлар, турли компаниялар вакиллари билан суҳбатларда Ислом динининг гўзал сифатлари ҳақида гаплашдик”.
Шайхнинг айтишича, ўтган Рамазон ойида марказда 4 мингга яқин чет эллик Ислом динига кирган. Сўнгги 21 кишидан иборат Исломни қабул қилган гуруҳ Дуббат туманида имон келтирган.
Муслим Мирзажонов тайёрлади