Бельгияда илк ислом мактаби очилади
25.7.2015 3807
Бельгиянинг Валлония-Брюссель федерацияси раҳбарияти Скарбеек пойтахт коммунасида Бельгиядаги илк ислом мактабини очиш ҳақида қарор қабул қилди, деб ёзади Le Soir газетасининг электрон нашри.
12 ёшдан бошлаб болаларни ўқитадиган мазкур мактабга “Саҳоват” деб ном берилди ва у 1 сентябрдан иш бошлайди. Дастлаб 120 нафар ўқувчига сабоқ берилади. Истиқболда эса ўқувчилар сони 660 нафарга етади. Маълумотларга кўра, ҳозир Бельгияда 11,2 миллион одам истиқомат қилади. Шулардан 600 мингдан кўпроғи ислом динига эътиқод қилади, деб ёзади газета.
Муслим Мирзажонов тайёрлади
