Yangi ish boshlamoqchiman. Maslahat bering! 19.09.2016
Savol:Men yangi ish boshlamoqchiman. Qilgan gunohlarim ishimga omadsizlik keltirmasmikan?! Ya’ni, ishim yurishmay qoladimi, deb qo‘rqaman. Nima qilishni bilmayapman. Biznesni boshlab yutqizsam, hamma narsamdan ayrilishim mumkin. Tavakkal qilib boshlamasam, hech narsasiz qolaveraman...
Bo`lim Maslahat8875
Bismillah, valhamdulillah. Siz gunohlaringizdan tavba qiling, ko‘p istig‘for ayting. Shunda sezasiz, qalbingiz xotirjam bo‘ladi, ruhiy sokinlikka erishasiz. Istig‘for bilan mushkul vaziyatdan chiqib ketasiz, ishingiz baroridan keladi, inshaalloh!
Keyin, doim Allohni zikr qiling, namozlarni o‘z vaqtida ixlos bilan o‘qing. Va, albatta har qanday holatda Allohgagina suyanib, U Zotdan madad so‘rang. Allohga tavakkul qilgan banda har qanday xavotir va qo‘rquvdan xalos bo‘ladi. Meni xayrli yo‘lga boshla, dunyo va oxiratda baxtli bo‘lishimni nasib et, deb duo qiling! Ish boshlashdan oldin istixora namozini o‘qing, ota-onangiz duosini oling!