Namozni har qanday joyda o‘qisa bo‘ladimi? 06.03.2017
Savol:Safar chog‘ida kishi musofir bo‘lsa va namoz vaqti kirib qolsa qiblani tahminan topib toza kiyim yoki toza mato ustida namoz o‘qish mumkinmi?
Bo`lim Ibodat masalalari7349
Bismillah, valhamdulillah. Albatta bo‘ladi. Har qanday pokiza joyda namoz o‘qish mumkin.
عَنْ أَبِي هُرَيْرَةَ رَضِيَ اللهُ عَنْهُ أَنَّ رَسُولَ اللهِ صَلَّى اللهُ عَلَيْهِ وَسَلَّمَ قَالَ: جُعِلَتْ لِي الأَرْضُ مَسْجِدًا وَطَهُورًا. رَوَاهُ أَصْحَابُ السُّنَنِ وَسَنَدُهُ صَحِيحٌ.
Abu Hurayra roziyallohu anhu Rasululloh sollallohu alayhi va sallamdan rivoyat qiladi: “Yer men uchun masjid va poklovchi qilindi” (Sunan sohiblari rivoyati. Hadis sanadi sahih).
Bu rivoyatda Rasululloh sollallohu alayhi va sallamga berilgan ikki xislat zikr etilmoqda. Unga ko‘ra, ummati muhammadiya Yer yuzining qayerida bo‘lmasin, cho‘lmi, dalami, tog‘mi, dengizmi, namoz vaqti kirsa, pokiza joy bo‘lsa, har qanday o‘rinda namoz o‘qishi joiz. Namoz faqat masjidlarda yoki maxsus joylardagina o‘qilmaydi.
Shuningdek, Rasululloh sollallohu alayhi va sallam va u zotning ummatlariga Yer (tuproq va pokiza yer jinsi) poklovchi, namozni, boshqa ibodatlarni muboh qiluvchi etildi. Agar suv bo‘lmasa yoki suv ishlatishga imkon topilmasa, har qanday banda, qayerda bo‘lishidan qat’i nazar, pokiza tuproq bilan tayammum qilib namoz o‘qishi mumkin. Bu musulmonlar uchun Alloh tarafidan yengillikdir.