Мазлумга эҳсон қилсам бўладими? 02.09.2015
Савол:Ассалому алайкум, Одилхон қори ака. Менда бир савол бор: мазлум одамга эҳсон қилса савоб бўларкан. Мен бир болани танийман. Пул топади-ю, аммо ҳар хил бемаъни нарсаларга ишлатиб, кейин ойлик олгунича оч-наҳор юради. Шу болага таом ёки озроқ пул берсам, мазлумга эҳсон қилиш савобини оламанми?
4546
Ва алайкум aссалом. Мазлум деб, зулм кўраётган одам назарда тутилади. Сиз айтаётган одам пул топиб, уни беҳуда нарсаларга сарфласа, уни биринчи навбатда топганини фойдали жойларга ишлатишга, молни зое қилмасликка чақиринг. Мана шу маслаҳатингиз ҳам унинг учун катта эҳсондир.
Агар ортиқча пулингиз бўлса, қийналиб қолган бева-бечораларга, меҳрга муҳтож етим-есирларга, боқувчисини йўқотган эҳтиёжманд инсонларга ёрдам беринг.
