Ва алайкумус салом. Муслима аёлга “Ноила” исмини қўйишнинг ҳечқиси йўқ. Сабаби бу исм салафлар орасида маълум бўлган. Жумладан, Ноила бинти Салома Ансорийя исмли саҳобия бўлган. Ибн Саъдга кўра, у мусулмон бўлиб, Расулуллоҳ соллаллоҳу алайҳи ва салламга байъат берган. Шунингдек, Ноила бинти Саъд ва Ноила бинти Фарофиса (Усмон ибн Аффон розияллоҳу анҳунинг аёли) исмли саҳобиялар ҳам бўлган. Тўғри, луғат китобларида Қурайш қабиласининг “Ноила” исмли санами бўлгани келтирилган. Аммо “Ноила” аслида “олувчи”, “сахийлик”, “туҳфа”, “совға” каби маъноларни англатади. “Ноила” исмида айнан ўша маънолар ирода қилинади, мушрикларнинг санами эмас. Чунончи, уни ўзгартиришга ҳожат йўқ. Сабаби у луғавий ва шаръий тарафдан ман қилинмаган. Валлоҳу аълам!
