Танишлар ичидан ҳақиқий дўстни қандай ажратиб олса бўлади? 18.12.2015
Савол:Ассалому алайкум. Менинг танишларим кўп. Улар ичидан дўстларимни қандай қилиб ажратсам бўлади?
Булим Маслаҳат5470
Ва алайкум ассалом. Ҳаётда таниш-билишлар кўп бўлади. “Бир кўрган билиш, икки кўрган таниш” деб бежиз айтишмаган. Бироқ танишлари орасидан содиқ дўстларни ажратиб олиш мушкул. Инсон ўзига дўст танлашда эътиборли бўлиши керак. Бирон манфаат юзасидангина дўстлашиш жоиз эмас.
Ҳақиқий дўст бошга иш тушган билинади. Ишингиз юришиб турганда, сизнинг ёнингизда юрган танишларингиз қийин дамларда сизни ташлаб кетиши ҳеч гап эмас. Бироқ чин дўстингиз ҳар қандай ҳолатда ёнингизда бўлади.
Хуллас, инсон ўзи учун ким ҳақиқий дўст эканини турли синовларда билиб олади. Имтиҳондан яхши ўтган инсонгина сизга чин дўст бўлиши мумкин. Демак, дўст танлашда, аввало, имон-эътиқод, инсоф-тавфиқ, садоқат, ҳалолликни мезон қилиб олсангиз, ҳеч ҳам адашмайсиз.