Бировнинг мулкида бўлмаган мушукни боқиб олса бўлади. Лекин, мушук сақлагандан сўнг уни парваришлаш, едириб, ичириш лозим. Чунки, уйда сақланадиган бундай ҳайвонларни боқиш шаръан боқиб олган кишилар зиммасида бўлади.
Абдуллоҳ ибн Умар разияллоҳу анҳумодан ривоят қилинган ҳадиси шарифда Расулуллоҳ соллаллоҳу алайҳи ва саллам шундай дедилар: “Бир аёл то ўлгунича банди қилиб қўйгани бир мушук туфайли азобга йўлиқди. Ва ўша мушук туфайли дўзахга кирди. Банди қилишга қилиб, на унга таом берди, на сув ичирди. На ердан ўт-ўлан ейиш учун қўйиб юборди”.
