“Сизни ўлимга иссиқ-совуқ қилишган”, дейдиган фолбинлар 21.10.2017
Савол:Ассалому алайкум, устоз! Бизга билмаганларимизни ўргатаётганингиз учун катта раҳмат. Аллоҳ рози бўлсин! Сизга яна бир саволим бор эди: опаларим мени дам солдиргани олиб боришганида “сизларни ўлимга ўқиб қўйишган” деган жавоб бўлди. Кейин уларга қумга дам солиб бериб, уйга, чорраҳага сепасизлар, кейин зиёратгоҳга бориб қон чиқарасизлар, дейилибди! Шу нарсалар Исломда жоизми?
Булим Ижтимоий масалалар8601
Ва алайкум ассалом. “Сизни ўлимга ўқиб қўйишган” деган гап ақли жойида бўлган одамдан чиқмайди. Буни коҳин ва аррофлар гапиради. Зеро, банда ғайбни билмайди. Тўғри, бирон кишига кўз теккани ёки сеҳрлангани белгилари бор. Аммо айнан ўлимга иссиқ-совуқ қилинганини билиш инсоннинг қўлидан келмайди. Орага жинлар аралашгани шубҳасиз. Бу гапнинг хатолигини ўша кимсанинг қабристонга бориб жонлиқ сўйишга буюришидан ҳам билиб олса бўлади. Аллоҳ розилигидан бошқа йўлда, яна Аллоҳдан бошқанинг номини зикр қилиб жонлиқ сўйиш ҳаром! Ўзини билган, ақлу ҳуши жойида бўлган мўмин одам бундай ишларни қилмайди.
